قازاقستاندا اۆتوموبيل جولاعىنىڭ ەنى وزگەرۋى مۇمكىن. بۇل تۋرالى كولىك ءمينيسترى مارات قاراباەۆ الماتى تۇرعىندارىمەن بولعان كەزدەسۋدە مالىمدەدى، دەپ حابارلايدى «ادىرنا» ءتىلشىسى.
ايتۋىنشا، حالىق ۆەلوجولاقتاردىڭ كوپ بولعانىن قالايدى.
«الايدا مىناداي ماسەلە تۋىندايدى ءبىزدىڭ ۇسىنىسىمىزعا سايكەس جولدىڭ ەنى 3.5 مەتر بولۋى كەرەك. حالىقارالىق تاجىريبە بويىنشا جولاق ەنىن 2.9 مەترگە دەيىن قىسقارتىپ، قالعان 0.6 مەتردى ۆەلوجولاققا قالدىرۋ ماسەلەسى كوتەرىلدى. ياعني، ستاندارتتى وزگەرتۋ كەرەك. قازىر جۇمىس ءجۇرىپ جاتىر، ءبىز حالىقارالىق تاجىريبەنى زەردەلەدىك، ونىڭ ءتيىمدى ەكەنىنە كوزىمىز جەتتى. بۇل ۇسىنىسپەن كەلىسىپ، جاقىندا مەملەكەتتىك ستاندارتقا وزگەرىس ەنگىزەمىز»،—دەدى ول.
مينيستر جولاقتاردىڭ ەنىن قىسقارتسا، جاقىندا ىسكە قوسىلاتىن اۆتوبۋس جولاعىنا دا، باسقا كولىكتەرگە دە ورىن قالاتىنىن اتاپ ءوتتى.
«ءبىزدىڭ ويىمىز جۇزەگە اسسا، قوزعالىس رەتتەلەتىن بولادى. قازىر الماتىدا وسى مۇمكىندىك پيلوتتىق رەجيمدە تەكسەرىستەن ءوتىپ جاتىر. ەكسپەريمەنت جىل اياعىندا بىتەدى. ناتيجەگە قاراپ، تۇبەگەيلى شەشىم قابىلدايمىز»،—دەپ ءتۇسىندىردى مارات قاراباەۆ.
