Mádenıet jáne aqparat mınıstri Aıda Balaeva májiliste "Qazaqfılm" kompanııasyn memleket tarapynan tikeleı qarjylandyrý máselesi zańnamalyq turǵydan qaralyp jatqanyn málimdedi, dep habarlaıdy «Adyrna» ulttyq portaly.
Mınıstr Qazaqfılmniń jabylmaıtynyn aıtty.
«Men mınıstr retinde muny resmı túrde jarııalaımyn. Bul bizdiń tarıhymyz. Kıno men kınematografııanyń damýy Qazaqfılmmen tikeleı baılanysty. Sondyqtan ony saqtaý jáne damytý – bizdiń urpaq retinde mindetimiz», - dedi Aıda Balaeva.
Mádenıet mınıstrliginiń qazir Qazaqfılmdi tikeleı qarjylandyrýǵa quqyqtyq negizderi joq. Óıtkeni "Qazaqfılm" dál qazir kıno túsiretin barlyq prodıýserlik kompanııalar sııaqty teń quqyqqa ıe.
«Biz bul máseleni zańnamalyq deńgeıde retteý úshin naqty sharalar qabyldap jatyrmyz. Iaǵnı, Qazaqfılmniń tikeleı qarjylandyrý quqyǵy bolatyn normany zańǵa engizemiz. Qazir onyń mundaı qarjylandyrýǵa quqyǵy joq. Bul ýaqyt enshisindegi másele», - dedi mınıstr.
Eske sala keteıik, buǵan deıin Sháken Aımanov atyndaǵy "Qazaqfılm" kınostýdııasynda 2 qarashada kınogerler men kıno ardagerleri bas qosyp, qara shańyraqtaǵy máseleni bılikke estirtýge tyrysqan edi.
