Ortalyq memlekettik kınofotoqujattar men dybys jazbalar muraǵatynyń delegaııasy Mońǵolııanyń Ulan-Batyr qalasyna jumys saparymen bardy, dep habarlaıdy "Adyrna" ulttyq portaly Liter.kz-ke silteme jasap.
Qazaqstan Respýblıkasy Mádenıet jáne aqparat mınıstrliginiń málimetinshe, ǵylymı-zertteý jumysy barysynda Mońǵolııanyń Ulttyq muraǵatynan Qazaqstanǵa qatysty qundy materıaldar tabylǵan.
Muraǵattan 90 fotoqujat pen jalpy uzaqtyǵy 92 mınýttyq kınofılmniń kóshirmesi alynǵan.
Kınofılmde Baıan-Ólgeı aımaǵynyń mereıtoılyq is-sharalarynan kórinister qamtylǵan, onda qazaqstandyq delegaııa jergilikti qazaqtardyń ómirimen tanysqan.
Fotoqujattarda Baıan-Ólgeı aımaǵyndaǵy qazaq halqynyń turmysy, jergilikti teatr ártisteriniń ónerleri jáne ár jyldary Mońǵolııaǵa sapar jasaǵan tanymal tulǵalar beınelengen.
