Búgin 10 zerendilik otbasy jańa turǵyn úıdiń ıegeri atandy. Jańa qonystanýshylar arasynda – kópbalaly otbasylar men jetim balalar.
Páter kiltterin Aqmola oblysynyń ákimi Marat Ahmetjanov tapsyrdy.
«Óz úıińdi tabý - ár otbasy úshin, ár adam úshin úlken mereke. Bizdiń Prezıdent birinshi kezekte elimizdiń azamattarynyń ómir súrý sapasyn arttyrýǵa baǵyttalǵan áleýmettik jobalardy iske asyrýǵa erekshe nazar aýdarady. Árbir adam úshin basty máselelerdiń biri – turǵyn úımen qamtamasyz etý máselesi. Osy maqsatta Memlekettik baǵdarlamalar qabyldanady, jańa jumys oryndary qurylady, jerlesterimiz páter alatyn úıler salynady. Biz úshin eń bastysy – aqmolalyqtardyń ál-aýqaty. Ár úı otbasylyq jaılylyqtyń jylýyna tolsyn, al ár kún sizge tek jaǵymdy emoııalar ákelsin», - dep atap ótti Marat Ahmetjanov.
Kóp balaly ana Gúlzada Aqpaeva jubaıymen birge bes bala tárbıelep otyr. Olar óz páterlerin kópten beri qalaǵan, biraq satyp alýǵa múmkindigi bolmady. 2012 jyldan beri kezekte tur.
«Aqyry bizdiń armanymyz oryndaldy. Ásirese balalar qatty qýandy. Munda mektep, dúken, jumys bári jaqyn oranalasqan. Balalar baqytty, biz óte rızamyz», - dep bólisti G.Aqpaeva.
Aıta keteıik, Zerendi aýdanynda 19 myń sharshy metrden astam turǵyn úı paıdalanýǵa berildi, bul kezekti qysqartýǵa múmkindik berdi. Budan basqa, halyqtyń áleýmettik osal toptary úshin keıinnen satyp alý arqyly, 60 jeke turǵyn úı salý josparlanýda.
