Taldyqorǵan qalasyndaǵy Nazarbaev Zııatkerlik mektebiniń oqýshysy Aqjol Bolat Serbııada ótken X eýropalyq geografııalyq olımpıadada kúmis júldegeri atandy.
Bul jarysqa qazaqstandyq jas geograftarmen qatar Reseı, Serbııa, Bolgarııa, Rýmynııa, Bosnııa, Geregovına, Chehııa, Lıtva, Danııa jáne Slovenııa elderinen 200-ge jýyq oqýshy qatysty.
Qazaqstan quramasyna respýblıkalyq jáne halyqaralyq olımpıadalardyń júldegeri Abaı Dúısen jetekshilik etti.
Aıta ketý kerek, sonymen qatar Shymkenttegi hımııa-bıologııa baǵytyndaǵy Nazarbaev Zııatkerlik mektebiniń oqýshysy Arsen Sydyqov jáne Qostanaıdaǵy NIS oqýshysy Andreı Enbahtov eki altyn medal jeńip alsa, Shymkenttegi hımııa-bıologııa baǵytyndaǵy NIS oqýshysy Qanat Serikbaıda kúmis medal enshiledi.
Oqýshylar tamasha nátıjeler, daıyndyqtyń joǵary deńgeıin kórsetti.
Geografııadan Eýropalyq olımpıada (EGeO) 2015 jyldan beri jyl saıyn ótkizilip keledi.
Taldyqorǵandyq NIS oqýshysy Aqjol Bolat geografııa páninen birqatar respýblıkalyq, jelilik olımpıadalardyń jeńimpazy. Jetistikter qorjynynda 6 altyn men úsh kúmis medaldary bar.
H eýropalyq geografııalyq olımpıada Serbııanyń ońtústigindegi Kopaonık ulttyq parkinde ótti. Olımpıada kezinde biz tabıǵat aıasynda jańa dostar taýyp, bilim men daǵdylardy úırendik. Olımpıada 3 týrdan turdy, teorııalyq, mýltımedıalyq jáne dalalyq týr. Dalalyq týrdyń ereksheligi - bul onyń Kopaonık tabıǵı parkiniń taýly ormandary arasynda ótkeni, maǵan eń unaǵan bóligi de sol, — dep óz pikirin Aqjol Bolat bildirdi.
