Astanada Qazaqstannyń otandyq IT-brendiniń mıssııasyn taǵy da rastaǵan halyqaralyq «Robotek Grand Tournament» chempıonaty aıaqtaldy.
Bıyl chempıonat alǵash ret halyqaralyq deńgeıge shyqty, Astanaǵa Ózbekstan, Tájikstan, Qyrǵyzstannan úzdik komandalar ushyp keldi. RGT-2024 alańynda sonymen qatar elimizdiń barlyq aımaǵynan kelgen oblystyq týrnırlerdiń jeńimpazdary bas qosty.
Birinshi chempıonattan bastap «Robotek Grand Tournament» álemdik standarttardyń biregeı platformasy retinde «Daryn» respýblıkalyq ǵylymı-praktıkalyq ortalyǵy jáne «Astana daryny» daryndy balalar men jastardy anyqtaý jáne qoldaý ortalyǵymen birlesip quryldy.
Bedeldi saıysta Jetisý óńiri oqýshylary joǵary nátıje kórsetti. «Suryptaýshy robot» sanatynda Eskendir Myrzaǵalı men Abdýlazız Abıbýlla, «Mergen» sanatynda Dáýren Órkenuly men Baqdaýlet Aıazbaıuly, «Robotek» sanatynda Naıl Sadýakasov men Amır Myrzaǵalı komandalary top jardy. Sonymen qatar «Úzdik aýyldyq komanda» bolyp Aqsý aýdanynan Bekjan Muhtarbek men Roman Pronıakov komandasy tanyldy. Basty Kýbok – «El kýbogyn» – Batys Qazaqstan oblysynyń quramasy Oralǵa alyp ketti.
Elimizde mektep robototehnıkasyn damytýǵa jáne «Robotek Grand Tournament» ótkizýge qoldaý kórsetti: chempıonattyń platına demeýshisi – Allur avtomobıl kompanııasy, altyn demeýshisi – «Sana Sport» otbasylyq-sporttyq ortalyǵy.
Kelesi jyly RGT alańynda Amerıka Qurama Shtattary, Qytaı, Túrkııa, Ázirbaıjan, Ońtústik Koreıa, Japonııa, Taıvan jáne basqa da elderdiń jas robototehnıkteri kezdesýge nıetti.
