بەلگىلى جازۋشى، جۋرناليست داۋرەن قۋات «جۇلدىز» جۋرنالىنىڭ باس رەداكتورى قىزمەتىنە تاعايىندالدى، دەپ حابارلايدى «ادىرنا» ءتىلشىسى.
بۇعان دەيىن ول «قازاق ادەبيەتى» گازەتىنىڭ باس رەداكتورى بولعان ەدى.
«اتتاي التى جىل، ءتورت اي تورىنە وزدىرعان «قازاق ادەبيەتى» گازەتىن باۋىرجان جاقىپ اعاما امانات ەتىپ، توراعامىز مەرەكە قۇلكەنوۆتىڭ پارمەنىمەن «جۇلدىز» جۋرنالىنا باس رەداكتور بولىپ تاعايىندالدىم. «قازاق ادەبيەتىنە»، قادىرمەندى ۇجىمعا العاۋسىز العىسىم شەكسىز. بىرگە بولدىق، التىن ارقالاپ، جانتاقتى «ازىق» قىلساق تا، ادەبي اپتالىقتىڭ مازمۇندى، كوركەم بولىپ شىعۋىنا بارىمىزدى سالدىق. جاڭا ءبىر ارەدىكتە شاعالا قۇستاي شارق ۇرىپ، تىنىم تاپپاي ەڭبەك ەتكەن شاعىن ۇجىمداعى شىراقتارىمنىڭ كوزدەرىنەن قيماستىق كورگەندە ىشتەي تولقىدىم. بىراق ادام ومىرىنە وزگەرىس جاساپ تۇرۋى كەرەك. بۇل - ءبىر. ەكىنشىدەن، اپتالىقتىڭ «ارباسىنا»جەگىلىپ ءجۇرىپ جەكە شىعارماشىلىعىمدى ۇمىتىپ بارا جاتقانىمدى ويلاسام، ءىشىم قالتىراپ كەتەدى. وسى جايىمدى ايتىپ مەراعاما - مەرەكە اعاما ءوتىنىش قىلدىم. ول كىسى ءوتىنىشىمدى قابىل الىپ، «جۇلدىز» جۋرنالىنا اۋىستىردى»،—دەپ جازدى قوعام قايراتكەرى الەۋمەتتىك جەلىدەگى پاراقشاسىندا.
داۋرەن قۋات – 1973 جىلى بۇرىنعى تالدىقورعان وبلىسى، قاپال اۋدانى، اششىبۇلاق اۋىلىندا دۇنيەگە كەلگەن. م. قاشقاري اتىنداعى جانە ع. مۇسىرەپوۆ اتىنداعى سىيلىقتاردىڭ لاۋرەاتى. «ءداستۇر» باسپاسىنان «القيسسا» اتتى پروزالىق كىتابى جارىق كورگەن.
