قوستاناي وبلىسىندا 4 جۇمىسشى ۇن ساقتايتىن شاناقتان شىعا الماي، قازا تاپتى، دەپ حابارلايدى «ادىرنا» ءتىلشىسى.
قايعىلى وقيعا 6 قازان كۇنى رۋدنىي قالاسىندا بولعان. ءتورت ادام تەرەڭدىگى 5 مەتر شاناققا ءتۇسىپ، قايتا كوتەرىلمەگەن.
پوليتسيا جۇمىسشىلاردىڭ ولىمىنە بايلانىستى ەڭبەك قاۋىپسىزدىگى ەرەجەلەرىن بۇزۋ بويىنشا تەرگەۋ باستادى.
«توتەنشە جاعدايلار قىزمەتى، پوليتسيا جانە جەدەل مەديتسينالىق جاردەم قىزمەتى دەرەۋ وقيعا ورنىنا جەتتى. جەدەل جاردەم قىزمەتكەرلەرى جۇمىسكەرلەردىڭ قازا تاپقانىن راستادى. وقيعانىڭ ءمان-جايى انىقتالىپ جاتىر»،– دەپ ءتۇسىندىردى قوستاناي وبلىسىنىڭ توتەنشە جاعدايلار دەپارتامەنتى.
بۇعان دەيىن قاراعاندى وبلىسىنداعى «ساياق-3» شاحتاسىندا ەكى جۇمىسشى قازا تاپقانىن جازعان ەدىك.
