قاراعاندى وبلىسىنىڭ قارقارالى اۋدانى جانە پاۆلودار وبلىسىنىڭ باياناۋىل تابيعي پاركىندەگى دالا ءورتى 45 مىڭ گەكتار جەرگە تاراپ ۇلگەرگەن. بۇل تۋرالى بۇگىن توتەنشە جاعدايلار مينيسترلىگى ايتتى، دەپ حابارلايدى «ادىرنا» ءتىلشىسى.
«قاراعاندى جانە پاۆلودار وبلىستارىنىڭ شەكارا اۋماعىنداعى ءورتتىڭ جالپى اۋدانى 45 مىڭ گا قۇرادى. بۇل رەتتە پاۆلودار وبلىسىنداعى دالا ءورتى الدىن الا 10 مىڭ گا القاپتا وقشاۋلانعانىن ەسكە سالامىز»،—دەپ جازدى تجم ءباسپاسوز قىزمەتى.
ۆيتسە-مينيستر ەرلان نۇرپەيىسوۆ قاراعاندى وبلىسىنا بارىپ، جاعدايدى باقىلاۋعا الدى.
ايتا كەتەيىك، ءورتتى سوندىرۋگە قاراعاندى وبلىسى تجد جانە جەرگىلىكتى اتقارۋشى ورگاندارىنىڭ كۇشتەرى مەن قۇرالدارىنان 386 ادام، 64 بىرلىك تەحنيكا، تجم مەن قورعانىس مينيسترلىگىنىڭ اۋە كەمەلەرى جۇمىلدىرىلۋدا. اۋە كەمەلەرى ءورت وشاقتارىنا بارلىعى 30 رەت 50-دەن استام توننا كولەمىندە سۋ توكتى.
بۇعان دەيىن قاراعاندى وبلىسىنداعى دالا ءورتىن ءسوندىرۋ كەزىندە تجد قىزمەتكەرى حالي حايراتتىڭ قازا تاپقانىن جازعان ەدىك.
