قازاقستانداعى بارلىق ۋچاسكەلەر ساعات 20:00-دە جابىلدى، دەپ حابارلايدى «ادىرنا» ۇلتتىق پورتالى.
ساعات 18:00-دە رەفەرەندۋمعا ەلىمىزدە 7 537 675 ادام داۋىس بەردى. كەلۋشىلەر سانى 61,56 پايىزدى قۇرادى. داۋىس بەرۋشىلەر سانى بويىنشا كوشباسشىلاردىڭ ۇشتىگىنە قىزىلوردا وبلىسى - 79,87 پايىز، تۇركىستان وبلىسى - 74,23 پايىز، شقو - 72,58 پايىز كىردى.
بۇعان دەيىن ءسىم باسشىسىنىڭ ورىنباسارى رومان ۆاسيلەنكو شەت ەلدەردەگى ۋچاسكەلەردە داۋىس بەرۋ بويىنشا الدىن الا دەرەكتەردى ايتقان بولاتىن. ونىڭ ايتۋىنشا، شەتەلدە رەفەرەندۋمنىڭ 13 ۋچاسكەلىك كوميسسياسى جۇمىسىن اياقتاپ، 7358-دەن استام قازاقستان ازاماتى داۋىس بەردى.
قازاقستاننان تىس جەرلەردە 60 ۋچاسكە جۇمىسىن جالعاستىرۋدا. اتاپ ايتقاندا، ورتالىق ازيا، تاياۋ جانە تاياۋ شىعىس، ەۋروپا، وڭتۇستىك امەريكا جانە اقش ەلدەرىندە. رەفەرەندۋم ۋچاسكەلەرى ۆاشينگتون، نيۋ-يورك، سان-فرانتسيسكو، وتتاۆا جانە برازيليا قالالارىندا جۇمىس ىستەي باستادى. سان-فرانتسيسكوداعى تاعى ءبىر سايلاۋ ۋچاسكە استانا ۋاقىتى بويىنشا ساعات 20:00-دە اشىلدى.
ورك رەفەرەندۋمعا حالىقتىڭ قاتىسۋ بەلسەندىلىگى بويىنشا الدىن الا مالىمەتتى ساعات 21.00-دە جاريالايدى.
