Qazaqstandaǵy barlyq ýchaskeler saǵat 20:00-de jabyldy, dep habarlaıdy «Adyrna» ulttyq portaly.
Saǵat 18:00-de referendýmǵa elimizde 7 537 675 adam daýys berdi. Kelýshiler sany 61,56 paıyzdy qurady. Daýys berýshiler sany boıynsha kóshbasshylardyń úshtigine Qyzylorda oblysy - 79,87 paıyz, Túrkistan oblysy - 74,23 paıyz, ShQO - 72,58 paıyz kirdi.
Buǵan deıin SIM basshysynyń orynbasary Roman Vasılenko shet elderdegi ýchaskelerde daýys berý boıynsha aldyn ala derekterdi aıtqan bolatyn. Onyń aıtýynsha, shetelde referendýmnyń 13 ýchaskelik komıssııasy jumysyn aıaqtap, 7358-den astam Qazaqstan azamaty daýys berdi.
Qazaqstannan tys jerlerde 60 ýchaske jumysyn jalǵastyrýda. Atap aıtqanda, Ortalyq Azııa, Taıaý jáne Taıaý Shyǵys, Eýropa, Ońtústik Amerıka jáne AQSh elderinde. Referendým ýchaskeleri Vashıngton, Nıý-Iork, San-Franısko, Ottava jáne Brazılııa qalalarynda jumys isteı bastady. San-Franıskodaǵy taǵy bir saılaý ýchaske Astana ýaqyty boıynsha saǵat 20:00-de ashyldy.
ORK referendýmǵa halyqtyń qatysý belsendiligi boıynsha aldyn ala málimetti saǵat 21.00-de jarııalaıdy.
