مەملەكەتتىك قىزمەت ىستەرى اگەنتتىگىندە 2023 جىلدىڭ جۇمىس قورىتىندىسى بويىنشا القا وتىرىسى ءوتتى. وعان پرەزيدەنت اكىمشىلىگىنىڭ وكىلدەرى، پرەزيدەنت جانىنداعى مەملەكەتتىك باسقارۋ اكادەمياسى، اگەنتتىك جانىنداعى قوعامدىق كەڭەس، ادەپ جونىندەگى كوميسسيا، سەرۆيستىك مەملەكەتتىك اپپاراتتى قالىپتاستىرۋ جانە ونىڭ قىزمەتىن بيۋروكراتيادان ارىلتۋ جونىندەگى كونسۋلتاتيۆتىك-ساراپتامالىق توپ مۇشەلەرى قاتىستى.
القا ماجىلىسىندە مقىا توراعاسى دارحان جازىقباي اگەنتتىك ءوزىنىڭ مەملەكەتتىك قىزمەت سالاسىن باقىلاۋ فۋنكتسياسى اياسىندا ازاماتتار مەن مەملەكەتتىك قىزمەتشىلەردىڭ قۇقىقتارىن قورعاۋعا باسا نازار اۋداراتىنىن اتاپ ءوتتى.
وسى ماقساتتا اگەنتتىكپەن وڭىرلەردەگى ادەپ جونىندەگى كەڭەستەردىڭ قۇرامىنا باق وكىلدەرى مەن جۇرتشىلىقتىڭ بەلسەندى وكىلدەرىن تارتۋ بويىنشا اۋقىمدى جۇمىس جۇرگىزىلدى.
2023 جىلى ادەپ جونىندەگى كەڭەستەردىڭ 195 وتىرىسى وتكىزىلىپ، وندا 1300-دەن استام وتىنىشتەر مەن سۇراقتار قارالدى. ولاردىڭ 62% پروفيلاكتيكالىق سيپاتتا بولدى جانە ادەپتىلىك قۇقىق بۇزۋشىلىقتاردىڭ الدىن الۋعا باعىتتالدى. جىل قورىتىندىسى بويىنشا ادەپ جونىندەگى كەڭەستەر ۇسىنىستارىنىڭ 96% -ى ورىندالدى، بۇل اتالعان ينستيتۋت جۇمىسىنىڭ تيىمدىلىگىنىڭ جوعارى كورسەتكىشى سانالادى.
اگەنتتىكتىڭ ۇيلەستىرۋىمەن وڭىرلەردە ادەپ جونىندەگى ۋاكىلدەر تاراپىنان اۋقىمدى تۇسىندىرمە جۇمىستارى جۇرگىزىلىپ 26 مىڭنان استام ازامات پەن مەملەكەتتىك قىزمەتشىلەرگە جەكە كونسۋلتاتيۆتىك كومەك كورسەتىلدى.
ايتا كەتۋ كەرەك، 2023 جىلى اگەنتتىكپەن 396 تەكسەرۋ جۇرگىزىلىپ، 13 مىڭنان استام بۇزۋشىلىق انىقتالدى. تەكسەرىستەردىڭ قورىتىندىسى بويىنشا زاڭسىز اكتىلەردىڭ كۇشىن جويۋ تۋرالى 345 ۇسىنىم جانە ۇيعارىم ەنگىزىلىپ، ولاردىڭ 97,9%-ى تولىعىمەن ورىندالدى. باقىلاۋ شارالارىنىڭ ناتيجەسى بويىنشا قابىلدانعان شەشىمدەردىڭ ارقاسىندا 191 ازاماتتىڭ قۇقىعى قورعالدى.
دارحان جازىقباي مەملەكەتتىك قىزمەت – بۇل مەملەكەتتىك قىزمەتشىلەردەن ەلدىك مۇددەنى، زاڭدار مەن ادامگەرشىلىك ۇستانىمداردى جەكە پايدادان بيىك قويۋدى تالاپ ەتەتىن قوعامدىق سەنىم ەكەنىن ەسكەرتىپ، سوعان وراي مەملەكەتتىك قىزمەتشىلەردىڭ ادەپ قاعيداتتارىنا جوعارى تالاپتار قويىلاتىنىن ايتتى.
اگەنتتىكپەن مەملەكەتتىك قىزمەتشىلەردىڭ ادەپ كودەكسىنە تۇسىندىرمەلەر ازىرلەندى. ولار كودەكستىڭ نورمالارىن تاجىريبەدە قولدانۋ بارىسىندا دۇرىس تۇسىنۋگە باعىتتالعان.
سونداي-اق اگەنتتىك باسشىسى مەملەكەتتىك قىزمەتشىلەردىڭ قۇمار ويىن مەكەمەلەرىنە بارۋ فاكتىلەرىنە وراي قوعام تاراپىنان سىني پىكىرلەر مەن نارازىلىقتار تۋىنداپ جاتاتىندىقتان وتكەن جىلى ادەپ كودەكسىنە مەملەكەتتىك قىزمەتشىلەردى قۇمار ويىن مەكەمەلەرىنە بارۋدان تارتىنۋعا ىنتالاندىرۋ بويىنشا تۇزەتۋلەر ەنگىزىلگەنىن اتاپ ءوتتى.
قر مقىا ءباسپاسوز قىزمەتى
