مەملەكەتتىك قىزمەت ىستەرى اگەنتتىگى 2023 جىلعى جۇمىسىن قورىتىندىلادى.
القا وتىرىسىندا اگەنتتىك توراعاسى مەملەكەتتىك قىزمەتشىلەردىڭ ۇستەمە جۇمىس ىستەۋ فاكتىلەرىنىڭ الدىن الۋ ءۇشىن مەملەكەتتىك ورگانداردىڭ جۇمىس رەجيمىنە مونيتورينگ جۇرگىزۋ شارالارى تۋرالى ايتتى.
مەملەكەتتىك ورگانعا بارماي جۇمىس ۋاقىتى رەجيمىنىڭ ساقتالۋىن مونيتورينگىلەۋ ءۇشىن اقپاراتتىق جۇيەلەردە كورسەتىلگەن مالىمەتتەر، اگەنتتىككە مەملەكەتتىك ورگاندار ۇسىناتىن دەرەكتەر، قببج-جۇيەسىنىڭ دەرەكتەرى، باق جانە الەۋمەتتىك جەلىلەردەگى جاريالانىمدار قولدانىلادى.
مەملەكەتتىك ورگانعا بارۋ ارقىلى جۇمىس ۋاقىتى رەجيمىنىڭ ساقتالۋ مونيتورينگى مەملەكەتتىك ورگاندارعا بارۋ جوسپارىنا سايكەس ءبىر توقسان ىشىندە كەمىندە ءبىر رەت جۇزەگە اسىرىلادى.
وتكەن جىلى مەملەكەتتىك ورگاندارداعى مونيتورينگ ناتيجەسىندە انىقتالعان كەمشىلىكتەرگە بايلانىستى 234 مەملەكەتتىك قىزمەتشىگە قوسىمشا تىنىعۋ ساعاتتارى بەرىلىپ،
53 مەملەكەتتىك قىزمەتشىنىڭ قۇقىقتارى قالپىنا كەلتىرىلدى.
بۇدان بولەك، اگەنتتىكپەن مەملەكەتتىك قىزمەتشىلەردىڭ مانسابى مەن وتباسى اراسىنداعى تەپە-تەڭدىكتى ساقتاۋ ءۇشىن شارالار قابىلداندى.
ىسكە اسىرىلعان باستامانىڭ ارقاسىندا وتكەن جىلى مەملەكەتتىك قىزمەتشىلەردىڭ بەلگىلى ءبىر ساناتى قاشىقتىقتان نەمەسە ارالاس قاشىقتىقتان، يكەمدى جۇمىس ۋاقىتى رەجيمىندە جۇمىس ىستەۋگە مۇمكىندىك الدى.
بۇل شارالار مەملەكەتتىك قىزمەتشىلەردىڭ جۇمىس ۋاقىتىن ءتيىمدى پايدالانۋعا وڭ اسەرىن تيگىزەدى.
وسىلايشا، يكەمدى جۇمىس ۋاقىتىن پايدالانۋ تاجىريبەسى وتكەن جىلى 72,4% -عا ءوستى. 2022 جىلى يكەمدى كەستەنى 835 مەملەكەتتىك قىزمەتشى پايدالانسا، 2023 جىلى ولاردىڭ سانى 3024 ادامدى قۇرادى.
قر مقىا ءباسپاسوز قىزمەتى
