Ресей Украинаға жаппай зымырандық соққы жасады. Бақылау арналары ресейліктер ұшырған қанатты және баллистикалық зымырандар, сондай-ақ Киев және басқа қалалардағы жарылыстар туралы жазуда, деп хабарлайды “Адырна” ұлттық порталы DW сайтына сілтеп.
Ақпаратқа сәйкес, зымырандық шабуыл бүгін, 31 желтоқсан күні болған. Ұшақтар мен баллистикалық зымырандарды қолдану қаупіне байланысты бүкіл ел бойынша дабыл қағылды. Мониторинг порталдарының хабарлауынша, кем дегенде алты ресейлік ТУ-22М3 ұшағы аспанға көтеріліп, Украинаға Х-22 зымырандарымен атқылаған.
Униан басылымына аудан әкімшілігінің басшысы Николай Ноганың хабарлауынша, Сумы облысының Шостка қаласына жасалған шабуылдан кейін 12 көпқабатты үй, екі оқу орны мен әлеуметтік нысандар зардап шеккен.
Украина Қарулы Күштері Ресейдің алты стратегиялық бомбалаушы ұшағы әуеде жүргенін хабарлады. Украинаның бақылау арналары бұл ұшақтардың қазірдің өзінде зымырандарды атқылағанын мәлімдеді.
Украинаның барлық аумағында әуе шабуылы туралы ескерту жарияланды.
