Мемлекет басшысы «Қазақстан Республикасының Ұлттық қорынан 2025–2027 жылдарға арналған кепілдендірілген трансферт туралы» заңға қол қойды, деп хабарлайды "Адырна" ұлттық порталы Ақордаға сілтеме жасап.
Заң мәтіні баспасөзде жарияланады.
Бұған дейін Ұлттық қордан қосымша 2 триллион теңге алынатыны туралы хабарланған болатын. Бұл сома республикалық бюджетке мемлекеттік міндеттемелерді орындау шығындарын қамтамасыз ету үшін бағытталады.
«2024 жылға арналған нақтыланған кіріс болжамы бекітілген жоспарға қарағанда 2 триллион теңгеге төмендетіліп белгіленді. Осыған байланысты Ұлттық қордан 2 триллион теңге мақсатты трансферт ретінде қосымша тарту жоспарлануда», – деді Мәжіліс депутаты Татьяна Савельева палатаның жалпы отырысында.
