27 қарашада Қаражанбас-Ақтау тас жолында мұнай компаниясының қызметкерлерін тасымалдап бара жатқан шағын автобус жылқыны қақты, деп хабарлайды “Адырна” ұлттық порталы Lada.kz-ке сілтеме жасап.
Шағын автобус Қаратұрын кен орнына бара жатқан. Соқтығыс салдарынан төрт қызметкер жарақат алды. Оның ішінде бір адамның жағдайы ауыр. Екі аяғы сынған жәбірленуші қазір облыстық ауруханада жатыр.
“Автобус жүргізушісі жол қозғалысы ережелерін бұзғаны үшін жауапқа тартылды. Сараптама тағайындалды, оның нәтижелері бойынша қылмыстық жауапкершілік туралы шешім қабылданады”, - деді облыстық ПД.
Қазіргі уақытта ауыл шаруашылығы жануарларын жаю ережелерін бұзғаны үшін жауапкершілікке тартылатын жануар иесін анықтау бойынша жұмыстар жүргізіліп жатыр.
