2024 жылдың 28-30 қараша күндері аралығында Қазақстанның Халық әртісі, көрнекті кино және театр режиссері, драматург, киносценарист, өнертану профессоры Талғат Теменовтің шығармашылығына арналған «Теменовтің суреткерлік әлемі» атты өнер күндерінің өтеді.
Бұл өнер күндерінде Талғат Досымғалиұлының еліміздің театр және кино өнерінің дамуына және жас таланттарды тәрбиелеуге қосқан зор үлесін атап өтеді.
Өнер күндері аясында Теменовтің режиссерлігімен сахналанған қойылымдар көрермен назарына ұсынылып, танымал фильмдерінен үзінділер көрсетіледі.
Талғат Теменов – театр және кино өнерінде аты мәшһүр, танымал тұлғалардың бірінен саналады. Шараның мақсаты да көрерменді ғажайып көңіл-күйге бөлейтін қойылымдарды көрермен назарына ұсынып, мән-мағынасы жайында тереңнен ой қозғаған өнер иесінің шығармашылығының өнегелі өрнектері мен сахнагер болмысының ерекше қырларын насихаттау болып табылады.
Өнер күндері барысына тоқтала кетейік, 28-қараша күні сағат 17:00-18:30 аралығында Қ.Қуанышбаев атындағы Қазақ ұлттық драма театрының кіші залында «Т.Теменов фильмдерінің эстетикасы» атты шығармашылық кездесу өтеді. Ал, кешкі 19:00-де Қазақстанның Халық әртісі, көрнекті кино және театр режиссері, драматург, киносценарист, өнертану профессоры Талғат Теменовтің шығармашылығына арналған «Теменовтің суреткерлік әлемі» атты өнер күндерінің салтанатты ашылуы өтсе, 19:15-те У.Шекспирдің «Отелло» трагедиясын Қ.Қуанышбаев атындағы Қазақ ұлттық музыкалық драма театрында сахналайды.
29-қараша күні 15:00-де Талғат Теменовтің «Мыңмен жалғыз алыстым» атты пьесасының ашық оқылымы өтсе, 17:00-де «Т.Теменов фильмдеріндегі көркем бейнелер» атты шығармашылық кездесу өтеді. Ал сағат 19:00-де B.Ежовтың «Тыраулап ұшқан тырналар» лирикалық драмасы қойылады. Қ.Қуанышбаев атындағы Қазақ ұлттық музыкалық драма театры көрермен назарына ұсынады.
30-қараша күні 17:00-де «Т.Теменов фильмдеріндегі рухани құндылықтар» атты шығармашылық кездесу өтеді. Өтетін орны: Қ.Қуанышбаев атындағы Қазақ ұлттық музыкалық драма театры (Кіші зал).
Сағат 18:00-де Қазақстанның Халық әртісі, көрнекті кино және театр режиссері, драматург, киносценарист, өнертану профессоры Талғат Теменовтің шығармашылығына арналған «Теменовтің суреткерлік әлемі» атты өнер күндерінің салтанатты жабылуын Ш.Айтматовтың «Қызыл орамалды Шынарым» лирикалық драмасымен жабады. Өтетін орны: Қ.Қуанышбаев атындағы Қазақ ұлттық музыкалық драма театры.
