Жетісу облысындағы Жаркент гарнизоны әскери бөлімдерінің бірінің офицері қайтыс болды, деп хабарлайды "Адырна" ұлттық порталы.
Қайғылы оқиға бүгін болған. Офицер жоспардан тыс сабақтар өткізу кезінде алған жарақатынан қайтыс болды.
Бұл туралы Құрлық әскерлері қолбасшылығының баспасөз қызметі мәлім етті.
“Қауіпсіздік шараларын бұзу салдарынан Жаркент гарнизоны әскери бөлімдерінің бірінің офицері алған жарақатынан қайтыс болды.Құрлық әскерлерінің қолбасшылығы марқұмның туыстары мен жақындарына көңіл айтады, оларға барлық қажетті көмек көрсетіледі” деп мәлімдеді баспасөз қызметі өкілдері.
Айта кетейік, 7 қарашада Шығыс Қазақстан облысы бойынша Шекара қызметінің департаментінде мерзімді әскери қызметші қайтыс болғаны туралы хабарлаған едік.
