Жақында Қырғызстан парламентінің спикері Нурланбек Шакиев елдің әнұранын өзгерту қажеттігін мәлімдеді. Оның айтуынша, әнұран әмбебап болуы тиіс. Президент Садыр Жапаров бұл идеяны қолдады, деп хабарлайды «Адырна» ұлттық порталы.
Жапаров қазіргі әнұранның 33 жыл бұрын жазылғанын атап өтті.
«Қырғыз халқы, тағдырың өз қолыңда, алға ұмтыл», – деп жазған болатын сол кезде әнұран авторлары. Содан бері біз толыққанды мемлекет ретінде қалыптастық. Бізді бүкіл әлем таниды. Жүз жыл өтсе, біз әлі де азат болып, тәуелсіз елге айналғанымызды айтып жүреміз бе? Неге біз тәуелсіз мемлекет екенімізді, 5 мың жылдық тарихы бар халық екенімізді жырлап, жастар мен болашақ ұрпақты шабыттандыратын әнұран жазбасқа?» - деді Садыр Жапаров.
Сонымен қатар, президент мемлекеттік тудың дизайнын өзгерту мәселесін де қозғады. Оның айтуынша, жаңа ту алдыңғысынан жақсырақ.
«Ескі тудың шапақтары күнбағысқа немесе араның дискісіне ұқсайтын. Енді жаңа туға қарағанда, оның күннің шапағы екені, оның жарқырап тұрғаны бірден түсінікті» - деді Қырғызстан басшысы.
