Jaqynda Qyrǵyzstan parlamentiniń spıkeri Nýrlanbek Shakıev eldiń ánuranyn ózgertý qajettigin málimdedi. Onyń aıtýynsha, ánuran ámbebap bolýy tıis. Prezıdent Sadyr Japarov bul ıdeıany qoldady, dep habarlaıdy «Adyrna» ulttyq portaly.
Japarov qazirgi ánurannyń 33 jyl buryn jazylǵanyn atap ótti.
«Qyrǵyz halqy, taǵdyryń óz qolyńda, alǵa umtyl», – dep jazǵan bolatyn sol kezde ánuran avtorlary. Sodan beri biz tolyqqandy memleket retinde qalyptastyq. Bizdi búkil álem tanıdy. Júz jyl ótse, biz áli de azat bolyp, táýelsiz elge aınalǵanymyzdy aıtyp júremiz be? Nege biz táýelsiz memleket ekenimizdi, 5 myń jyldyq tarıhy bar halyq ekenimizdi jyrlap, jastar men bolashaq urpaqty shabyttandyratyn ánuran jazbasqa?» - dedi Sadyr Japarov.
Sonymen qatar, prezıdent memlekettik týdyń dızaınyn ózgertý máselesin de qozǵady. Onyń aıtýynsha, jańa tý aldyńǵysynan jaqsyraq.
«Eski týdyń shapaqtary kúnbaǵysqa nemese aranyń dıskisine uqsaıtyn. Endi jańa týǵa qaraǵanda, onyń kúnniń shapaǵy ekeni, onyń jarqyrap turǵany birden túsinikti» - dedi Qyrǵyzstan basshysy.
