Алматыда 22 қазанда қала прокуратурасы ірі есірткі зертханасын жойды, деп хабарлайды «Адырна» ұлттық порталы.
Операция барысында қылмыстық кәсіпорынының ұйымдастырушысы ұсталған.
«Зертхананы тінту кезінде 3 полиэтилен пакетке оралған 15 кг дайын мефедрон, әрқайсысы 30 литрлік 36 канистр, 10 литрлік 4 канистр, бес литрлік 5 шелек, 8 литрлік сұйықтық сақталған пластик бөтелкелер, сондай-ақ сору жүйесі бар моншасы, оның ішінде реагенттерді араластыру үшін қолданылатын 150 литрлік бөшке, электронды таразы, тыныс алу маскалары, араластыруға бейімделген бұрағыш, 8 пластикалық науалартабылып тәркіленді. Тәркіленген барлық құрал-жабдықтар мен заттар сараптамаға жіберілді. Зертхананы ұйымдастырушы уақытша ұстау изоляторына қамалды» - деп мәлімдеді Алматы қаласы прокуратурасының баспасөз қызметі.
Айта кетейік, Алматы қаласының прокуратурасы құқық қорғау органдарымен бірлесе отырып, қалада белсенді жұмыс істеп тұрған 22 наркологиялық зертхананың жолын кескен.
