Almatyda 22 qazanda qala prokýratýrasy iri esirtki zerthanasyn joıdy, dep habarlaıdy «Adyrna» ulttyq portaly.
Operaııa barysynda qylmystyq kásiporynynyń uıymdastyrýshysy ustalǵan.
«Zerthanany tintý kezinde 3 polıetılen paketke oralǵan 15 kg daıyn mefedron, árqaısysy 30 lıtrlik 36 kanıstr, 10 lıtrlik 4 kanıstr, bes lıtrlik 5 shelek, 8 lıtrlik suıyqtyq saqtalǵan plastık bótelkeler, sondaı-aq sorý júıesi bar monshasy, onyń ishinde reagentterdi aralastyrý úshin qoldanylatyn 150 lıtrlik bóshke, elektrondy tarazy, tynys alý maskalary, aralastyrýǵa beıimdelgen buraǵysh, 8 plastıkalyq naýalartabylyp tárkilendi. Tárkilengen barlyq qural-jabdyqtar men zattar saraptamaǵa jiberildi. Zerthanany uıymdastyrýshy ýaqytsha ustaý ızolıatoryna qamaldy» - dep málimdedi Almaty qalasy prokýratýrasynyń baspasóz qyzmeti.
Aıta keteıik, Almaty qalasynyń prokýratýrasy quqyq qorǵaý organdarymen birlese otyryp, qalada belsendi jumys istep turǵan 22 narkologııalyq zerthananyń jolyn kesken.
