Денсаулық ерекшеліктері бар балалар туралы қазақстандық фильм Калифорниядағы қысқа метражды фильмдер фестивалінде марапатқа ие болды, деп хабарлайды «Адырна» ұлттық порталы.
Деректі жобаның атауы – «Шектеусіз үміт» (Endless Hope). Картина продюсер Данияр Уалиевтің жетекшілігімен жасалған. Фильм «Үздік деректі қысқаметражды фильм» және «Балалар мүгедектігі мәселесін қамтитын үздік фильм» деген екі марапатқа ие болды.
Фильмде бес отбасының өмірі туралы баяндалады. Церебральды сал ауруы диагнозы қойылған балалар «күн сайын, бір қарағанда, еңсерілмейтін қиындықтарды жеңеді».
Режиссер Марат Телеуов олардың денсаулығының ерекшеліктеріне қарамастан, балалар армандауды тоқтатпайтынын атап өтті. «Олар оқиды, болашаққа жоспар құрады, қарым-қатынас жасайды және ата-аналары оларға үлкен қолдау көрсетеді», - деді ол.
