Қазақстанның Төтенше жағдайлар министрлігіне тікұшақтарды Ресейден сатып алуға болады, бұл мүмкіндікті ҚР Төтенше жағдайлар министрі Шыңғыс Әрінов жоққа шығармайды, деп хабарлайды “Адырна” ұлттық порталы ҚазТАГ-қа сілтеме жасап.
«Қазір біз үш МИ-8 АМТ және төрт К-32 сатып алуды қарастырып жатырмыз. Егер біз тікұшақ техникасы туралы айтатын болсақ, иә, ол лизингке сатып алынады, бұған халықаралық компаниялар қатысады. Жақын арада біз осы мәселе, яғни баға белгілеу және оған қатысты барлық мәселелер бойынша шешім қабылдаймыз деп ойлаймын. Қазір 405-ші зауытта (Алматыдағы авиажөндеу зауыты ) қарбалас, жеткізу мерзімі де өте ұзақ. Сондықтан бұл қандай да бір халықаралық жеткізуші болуы әбден мүмкін», - деді Аринов сейсенбі күні үкіметтің брифингінде.
ҚазТАГ журналистінің бұл ресейлік жеткізуші болуы мүмкін бе деген сұрағына Төтенше жағдайлар министрлігінің басшысы: «Мүмкін, иә» деп жауап берді.
Министрдің айтуынша, әзірге тек жеті тікұшақ сатып алу жоспарлануда, қалған төртеуі жақын арада алынады. Бұл жағдайда бастапқыда жарияланған сома өзгерістерге ұшырауы мүмкін.
«Бұл кезеңде тіпті осы жеті тікұшақ жеткілікті болады. Бірақ жағдай өзгеруде. Жаз бойы бізде өрт қауіпті кезеңге байланысты үлкен трансферттер болды, біз тапшылықты бастан кешіріп жатқанымызды анық көрдік. Жалпы, сол жерде әрекет ету үшін ондағы 20 өңірді әуе жасақтары қамтуы керек және жедел, ұтқыр, жылдам шешім қабылдау қажет», - деді Әрінов.
Айта кетсек, Қазақстанның Төтенше жағдайлар министрлігі құтқару жұмыстарын жүргізу үшін 11 жаңа тікұшақ алады. Олар құрал-жабдықтарды сатып алуға бюджеттен 25 миллиардқа жуық теңге бөлмекші.
