Бүгін, 16 қыркүйекте Қаржылық мониторинг агенттігі басшысы Дмитрий Малахов қызметінен босатылды, деп хабарлайды «Адырна» тілшісі.
Мемлекет басшысының жарлығымен бұл қызметке Жанат Элиманов тағайындалды. Ол 2024 жылғы ақпаннан бастап Ұлттық қауіпсіздік комитеті төрағасының бірінші орынбасары қызметін атқарған еді.
Жанат Элиманов 1978 жылы Қарағанды қаласында дүниеге келген. Е. Бөкетов атындағы Қарағанды мемлекеттік университетін тәмамдаған.
Еңбек жолын 2000 жылы Қарағанды қаласы прокуратурасының сот қаулылары және атқарушылық іс жүргізуді орындаудағы заңдылықты қадағалау бөлімі прокурорының міндетін атқарушы болып бастаған.
2000 жылдан 2007 жылға дейін Қарағанды облысының және Астана қаласының прокуратура органдарында әртүрлі лауазымдарда қызмет атқарды.
2007 жылдан 2017 жыл аралығында әділет және қаржы министрліктерінің, Экономикалық және сыбайлас жемқорлық қылмыстарымен күрес агенттігінің құрылымдарында түрлі қызметтерді атқарды.
2017 жылдан 2019 жыл аралығында ҚР Бас прокуратурасының құрылымдық бөлімшелерінде басшылық лауазымда болды.
2019 жылдың ақпан айынан сәуір айы аралығында Қарағанды облысы прокурорының орынбасары қызметін, ал 2019 жылғы сәуірден Қаржы мониторингі комитеті төрағасының орынбасары лауазымын атқарды.
