Шілде айында Астана және Алматы қалаларында Ұлттық қауіпсіздік комитеті полициямен өзара әрекетте және прокуратура органдарының үйлестіруімен 3 ірі есірткі зертханасының әрекетін жойды. Бұл туралы Ұлттық қауіпсідік комитеті мәлімдеді, деп хабарлайды “Адырна” ұлттық порталы.
Мәліметке сәйкес, аталған қылмыстар жасады деген күдік бойынша Қазақстанның 8 азаматы ұсталып, соттың санкциясымен қамауға алынды.
“Осы қылмысты жасады деген күдікпен 8 қазақстандық ұсталып, соттың санкциясымен қамауға алынды. Тінту кезінде олардан 93 келіден аса синтетикалық есірткі, кристалдану сатысындағы 70 литр мефедрон, сондай-ақ 255 келі прекурсор мен зертханалық жабдықтар алынды,- делінген ҰҚК хабарламасында
«Қара» нарықта тәркіленген есірткінің құны 2 млрд теңгеден артықты құрауы мүмкін.
Қылмыстық Кодекстің 297-бабы бойынша сотқа дейінгі тергеу жүргізілуде.
Қылмыстық-процестік кодекстің 201-бабының 1-бөлігіне сәйкес өзге де ақпарат жария етілуге жатпайды.
