Алматы облысында округ әкімі мен тұрғын төбелесіп қалды, деп хабарлайды "Адырна" ұлттық порталы.
Тұздыбастау ауылдық округінде болған жанжалға облыс әкімдігі мәлімдеме жасады.
Жанжалға себеп - тұрғындардың бірі бекітілген бас жоспарға наразылық. Жаңа бас жоспар бойынша, азаматтың жер телімі қызыл сызық бойына түсуіне келіспей, жанжал шығарған.
"Қазір Тұздыбастау ауылдық округінің әкіміне қатысты Талғар ауданының әкімдігі мен Талғар аудандық полиция басқармасы тарапынан қызметтік тексеру жүргізілуде. Әкімнің кінәсі дәлелденсе, оның әрекеті мемлекеттік қызмет істері агенттігінің Алматы облысы бойынша әдеп жөніндегі кеңесінде қаралады. Ал тұрғын қосымша түсініктеме алу үшін 23 шілдеде аудан әкімінің аппаратына шақырылды", – делінген облыс әкімдігінің хабарламасында.
