ҚР ЦДИАӨМ Жасанды интеллект және инновацияларды дамыту комитетінің төрағасы тағайындалды. Бұл туралы Үкіметтің баспасөз қызметі мәлімдеді, деп хабарлайды “Адырна” ұлттық порталы.
"Қазақстан Республикасы цифрлық даму, инновациялар және аэроғарыш өнеркәсібі министрінің бұйрығымен Ғиззат Сейдахметұлы Байтұрсынов ведомствоның Жасанды интеллект және инновацияларды дамыту комитетінің төрағасы қызметіне тағайындалды", - делінген хабарламада.
Ғиззат Байтұрсынов 1994 жылы Шымкент қаласында дүниеге келген. Малайзияның Азия-Тынық мұхиты технологиялар және инновациялар университетін, Д.А. Қонаев атындағы Еуразия заң академиясын бітірген.
Еңбек жолын жеке компанияда бағдарламашы болып бастаған.
2019 жылы "Жастар практикасы" бағдарламасы бойынша ҚР Цифрлық даму, қорғаныс және аэроғарыш өнеркәсібі министрлігінің Электрондық өнеркәсіпті дамыту департаментінде жұмыс істеген.
2020-2023 жылдары — Цифрлық даму, инновациялар және аэроғарыш өнеркәсібі министрлігінің Электрондық өнеркәсіпті және цифрлық активтер индустриясын дамыту департаментінің сарапшысы, бас сарапшысы, басқарма басшысы, директордың орынбасары.
2023 жылдан бастап қазіргі уақытқа дейін – ҚР ЦДИАӨМ Электрондық өнеркәсіпті және цифрлық активтер индустриясын дамыту департаментінің директоры.
