«Keneitu Ltd.» жеке компаниясына Абай және Маңғыстау облыстарында қатты пайдалы қазбаларды барлауға айрықша құқық берілетін болады, деп хабарлайды "Адырна" ұлттық порталы Курсивке сілтеп.
Жеке компания Бұрынғы Инвестициялар және даму вице-министрі Арыстан Қабикеновке тиесілі. Құжат «Ашық НҚА» порталында жарияланды.
«Жер қойнауы және жер қойнауын пайдалану туралы» Қазақстан Республикасы Кодексінің 84-бабының 2-тармағы, 2024 жылғы 29 мамырдағы инвестициялар тарту жөніндегі кеңес отырысы хаттамасының 6.2-тармағына сәйкес Үкімет қатты пайдалы қазбаларды барлауға айрықша құқық береді. Абай облысындағы «Шунай» кен орны бойынша қатты пайдалы қазбаларды барлауға байыту-өндірістік кешен салуға (қуаты 100 мың тонна катодты мыс, инвестиция көлемі кемінде 300 млрд теңге және 800 жұмыс орнын құру). Сонымен қатар Маңғыстау облысындағы «Айт-Көкше» кен орны бойынша қатты пайдалы қазбаларды барлауға электролиттік марганец өндіруін (қуаты 20 мың тонна, инвестиция көлемі кемінде 45 млрд теңге және 150 жұмыс орнын құру) қамтамасыз етуге мүмкіндік береді», – деп жазылған құжатта.
Оған Премьер-Министр Олжас Бектенов қол қойған. Құжатты талқылау 9 шілдеге дейін жалғаспақ.
