Республика бойынша сағат 18:00-дегі жағдайға сәйкес референдумға қатысу құқығы бар 7 млн 624 мың 641 азамат дауыс берді. Бұл туралы Орталық референдум комиссиясының мүшесі Шавкат Өтемісов мәлімдеді, деп хабарлайды “Адырна” ұлттық порталы.
«Жалпы республика бойынша 7 млн 624 мың 641 азамат бюллетень алды. Бұл тізімге енгізілген азаматтардың 65,4% құрады», - деді Шавкат Өтемісов.
Айта кетейік, референдумда дауыс беруге құқылы азаматтардың тізіміне 11,7 млн сайлаушы қосылған.
Республика бойынша бас-аяғы 10 013 дауыс беру учаскесі жұмыс істейді. Қазақстандықтар сондай-ақ шетелдерде дауыс беруге құқылы.
”Адырна” ұлттық порталы
