2024 jyl adamzat tarıhyndaǵy eń ystyq jyl retinde tirkeldi. Bul týraly Dúnıejúzilik meteorologııa uıymy aıtty, dep habarlaıdy «Adyrna» tilshisi.
Byltyr jahandyq ortasha temperatýra alǵash ret ónerkásipke deıingi deńgeıden 1,5 gradýs joǵary bolǵan. Uıym qorytyndy shyǵarýda jer serikteri, kemeler, ushaqtar men meteostansalardan alynǵan mıllıardtaǵan meterologııalyq ólshemderge súıengen.
2024 jyldyń 22 shildesinde jahandyq ortasha táýliktik temperatýra 17,16 gradýsqa jetip, jańa rekord ornatty.
Ǵalamdyq jylynýdyń negizgi sebepteri retinde munaı, kómir jáne tabıǵı gazdy úzdiksiz jaǵý áreketteri atalyp otyr.
