Soltústik Araldy saqtaý jobasynyń alǵashqy kezeńiniń nátıjesinde teńizdegi sý kólemi ulǵaıdy. Bul týraly búgin, 13 qańtarda Sý resýrstary jáne ırrıgaııa mınıstrligi aıtty, dep habarlaıdy «Adyrna» tilshisi.
«Birinshi kezeńniń qorytyndysy boıynsha teńizdegi sý kólemi 42 paıyzǵa ósip, 27 mlrd tekshe metrge jetti. Sýdyń tuzdylyǵy tórt esege jýyq tómendedi, al jyl saıynǵy balyq aýlaý kólemi 8 myń tonnaǵa deıin jetti»,—delingen habarlamada.
Qazirgi tańda Aral teńiziniń soltústik bóligin qalpyna keltirý jobasynyń ekinshi kezeńin iske asyrý máselesi qarastyrylyp jatyr. Mınıstrliktiń málimetinshe, joba negizgi 3 negizgi baǵytty qamtıdy. Atap aıtqanda, Soltústik Aral teńizinde sý jınaqtaýdyń kólemi men tıimdiligin arttyrý, sý resýrstaryn basqarýdy jaqsartý, balyq sharýashylyǵy men ekotýrızmdi damytý, óńirdiń ekologııalyq jaǵdaıyn jaqsartý boıynsha mańyzdy is-sharalar qarastyrylǵan.
