2024 جىل ادامزات تاريحىنداعى ەڭ ىستىق جىل رەتىندە تىركەلدى. بۇل تۋرالى دۇنيەجۇزىلىك مەتەورولوگيا ۇيىمى ايتتى، دەپ حابارلايدى «ادىرنا» ءتىلشىسى.
بىلتىر جاھاندىق ورتاشا تەمپەراتۋرا العاش رەت ونەركاسىپكە دەيىنگى دەڭگەيدەن 1,5 گرادۋس جوعارى بولعان. ۇيىم قورىتىندى شىعارۋدا جەر سەرىكتەرى، كەمەلەر، ۇشاقتار مەن مەتەوستانسالاردان الىنعان ميللياردتاعان مەتەرولوگيالىق ولشەمدەرگە سۇيەنگەن.
2024 جىلدىڭ 22 شىلدەسىندە جاھاندىق ورتاشا تاۋلىكتىك تەمپەراتۋرا 17,16 گرادۋسقا جەتىپ، جاڭا رەكورد ورناتتى.
عالامدىق جىلىنۋدىڭ نەگىزگى سەبەپتەرى رەتىندە مۇناي، كومىر جانە تابيعي گازدى ۇزدىكسىز جاعۋ ارەكەتتەرى اتالىپ وتىر.
