Jambyl oblysynda qardyń qalyń jaýýy men boran saldarynan joldardyń jabylýyna baılanysty myńnan astam avtokólik jolda qalyp qoıdy, dep habarlaıdy "Adyrna" ulttyq portaly.
7 qańtar kúni aımaqta aýa raıy kúrt nasharlap, qatty qar jaýyp, boran soǵyp, jeldiń jyldamdyǵy sekýndyna 20 metrge deıin jetken.
Almaty – Tashkent – Termez avtojolynyń 238-den 159-shy shaqyrymy aralyǵynda (Qaınar aýylynan Otar eldi mekenine deıin) barlyq kólik túrleri úshin qozǵalys shektelgen. Oblystyq polıııa departamentiniń málimetinshe, qozǵalys eski Qordaı asýy arqyly balama baǵytta júzege asyrylady. Sondaı-aq Túrkistan oblysyna qaraı (Jýaly aýdany aýmaǵynda) jol jabyldy.
"Qazirgi ýaqytta jol qozǵalysy shektelgen oryndarda 1050 avtokólik jınaldy, onyń 580-i júk kólikteri", - delingen vedomstvo habarlamasynda.
Polıııanyń 100-den astam qyzmetkeri 45 avtopatrýl júrgizýshilerge túrli kómekter kórsetýde. Joldy tazartý úshin shamamen 20 arnaıy tehnıka jumyldyrylǵan.
"Jýaly aýdany Shahan asýynda qalǵan 14 turǵyn ýchaskelik ınspektorlar arqyly Kúltoǵan aýylyna jetkizilip, týystarynyń úılerine ornalastyryldy. Sonymen qatar, patrýldik polıııa qar qursaýynan 10-nan astam avtokólikti shyǵaryp aldy", - dep málimdedi polıııa departamentiniń baspasóz qyzmeti.
Patrýldik polıııa qyzmetkerleri júrgizýshiler men jolaýshylardy jylytý oryndaryna ornalastyrýda, onda olar demalyp, jaǵdaıdyń jaqsarýyn kúte alady.
Jambyl oblystyq polıııa departamenti júrgizýshilerdi qolaısyz aýa raıynda jolǵa shyqpaýǵa, sondaı-aq kólikteriniń tehnıkalyq daıyndyǵyn tekserýge shaqyrdy.
