Embraer 190 jolaýshylar ushaǵynyń Aqtaýda apatqa ushyraýyna baılanysty 26 jeltoqsan Ázerbaıjanda qaraly kún dep jarııalandy, dep habarlaıdy "Adyrna" ulttyq portaly Azertac News Agency-ge silteme jasap.
Portaldyń málimetinshe, tıisti jarlyqqa Ázerbaıjan prezıdenti Ilham Álıev qol qoıǵan.
25 jeltoqsanda Aqtaýda Azerbaijan Airlines áýe kompanııasynyń jolaýshylar ushaǵy apatqa ushyrady. Baký qalasynan Groznyıǵa baǵyt alǵan áýe kemesi 11:20-da Aqtaýda shuǵyl qonýǵa suranys jasaǵany týraly alǵashqy aqparat paıda boldy.
Groznyı áýejaıynyń baspasóz qyzmetiniń málimetinshe, baǵytyn ózgertýge qalyń tuman sebep bolǵan. Ushaq áýeli Mahachqalaǵa, keıin Aqtaýǵa baǵyttaldy. Bastapqyda ushaq qatty qoný jasady dep habarlanǵanymen, keıin áýe kemesiniń qulaǵany belgili boldy.
BAQ málimetinshe, apattyń sebebi ushaqtyń qustar tobymen soqtyǵysýy bolǵan.
Tótenshe jaǵdaılar mınıstrliginiń málimetinshe, ushaq bortynda 67 adam, onyń ishinde 5 ekıpaj múshesi bolǵan.
Mańǵystaý oblystyq densaýlyq saqtaý basqarmasynyń habarlaýynsha, apat ornynan 22 adam ártúrli jaraqattarmen oblystyq aýrýhanaǵa jetkizilgen.
Oqıǵanyń mán-jaıy anyqtalýda. Qazaqstannyń Kólik mınıstrligi arnaıy tergeý júrgiziletinin habarlady.
