Úkimet janynan qurylǵan AES qurylysy boıynsha arnaıy komıssııa jumysyn jedeldetip, konsorıýmǵa qatysýshylar boıynsha sheshim 2025 jyldyń birinshi jartysynda qabyldanady, dep habarlaıdy "Adyrna" ulttyq portaly. Bul týraly Energetıka mınıstri Almasadam Sátqalıev málimdedi.
«Bastapqyda kelesi jyly osy proestiń jeńimpazy boıynsha túpkilikti sheshim qabyldaý josparlanǵan bolatyn. Prezıdenttiń sońǵy tapsyrmasyna sáıkes, komıssııa osy jumysty jedeldetip, tıisti sheshimdi jaqyn arada qabyldaýǵa bar kúshin salady. 2025 jyldyń birinshi jartysynda sheshim qabyldanady», – dedi Sátqalıev.
Mınıstrdiń aıtýynsha, kompanııalar Qazaqstanǵa merzimder men shyǵyndardy ońtaılandyrýdy qamtamasyz etetin usynystar berýi kerek.
«Álemde Qytaıdyń ulttyq atom kompanııasy Pákistanda alty jyl ishinde energoblok salǵany týraly mysal bar. Qazirgi zamanǵy tehnologııalar jyldam sheshimder qabyldaýǵa múmkindik beredi», – dep túsindirdi ol.
Sonymen birge, Sátqalıevtiń aıtýynsha, atom elektr stanııasyn salý – uzaq merzimdi proess. Ádette, jobalaý úsh jylǵa sozylady, al «birinshi betonnan bastap birinshi bloktyń tolyq aıaqtalýyna deıingi» qurylys merzimi 8-den 14 jylǵa deıin sozylady.
«Qazaqstan úshin bul merzimder qolaısyz. Biz jumysty uıymdastyryp, ózimizdiń quzyretterimizdi damytyp, halyqaralyq tájirıbeni paıdalanýymyz kerek. Sondaı-aq, vendorlarmen joǵary sapaly usynystar jasaý boıynsha jan-jaqty jumys júrgizý qajet», – dep atap ótti mınıstr.
Prezıdent Qasym-Jomart Toqaev energetıka mınıstrine AES qurylysy boıynsha jumysty jedeldetýdi tapsyrǵan bolatyn. Referendýmnan keıin memleket basshysy atom elektr stanııasyn salý úshin birneshe eldiń konsorıýmyn qurý josparlary týraly málimdegen edi.
Franııa men Qytaı bul jobaǵa qatysýǵa daıyn ekenin bildirse, Reseı prezıdenti «Rosatomnyń» Qazaqstandaǵy AES qurylysyna qatysýǵa daıyn ekenin aıtqan.
