Búgin, 23 jeltoqsanda Belarýs ortalyq saılaý komıssııasy 2025 jyly qańtarda ótetin prezıdent saılaýyna úmitkerler tizimin jarııalady, dep habarlaıdy «Adyrna» tilshisi.
Bastamashyl toptar OSK-ǵa qujattaryn retimen tapsyrdy. Olardyń qatarynda 5kandıdat, atap aıtsaq, Sergeı Syrankov, Aleksandr Hıjnıak, Oleg Gaıdýkevıch, Anna Kanopaka men Alekstandr Lýkashenko bar.
Saılaý qarsańyndaǵy úgit-nasıhat 2025 jyly 1 qańtarda bastalyp, 25 qańtarda aıaqtalady. Al prezıdent saılaýy 26 qańtarda ótpek. El zańyna sáıkes, basshyny daýys berý quqyǵyna ıe azamattar bes jylǵa saılaıdy.
Aıta keteıik, Aleksandr Lýkashenko Belarýsti 1994 jyldan beri basqarady. Ol ózin jetinshi ret prezıdent saılaýyna úmitker retinde tirkep otyr. Lýkashenkonyń halyqaralyq aqparat quraldarynyń birine bergen suhbatynda "Men - Eýropanyń sońǵy jalǵyz dıktatorymyn" degen sózi keń tarap ketken.
