Brazılııanyń ońtústigindegi Gramadý qalasynyń ortalyǵynda shaǵyn jekemenshik ushaq apatqa ushyrady, dep habarlaıdy «Adyrna» tilshisi.
Jergilikti BAQ-tyń málimetinshe, qaıǵyly oqıǵa 22 jeltoqsan kúni tańerteń bolǵan. Ushaq aldymen ǵımarattyń murjasyna, keıin úıge, sońynda jıhaz dúkenine soǵylǵan.
«Áýe kemesinde bolǵan barlyq 10 adam kóz jumdy. Ushqyshtan basqa 9 adamnyń bári – bir otbasynyń músheleri. Ushý kezinde aımaqta jańbyr men tuman bolǵany anyqtaldy»,—dep jazdy «Reıter» agenttigi.
Rıý-Grandı-dý-Sýl shtatynyń azamattyq qorǵanysynyń málimetinshe, kem degende 17 adam zardap shekken. 2 adamnyń hali aýyr. Qazirgi tańda qaıǵyly oqıǵanyń sebebi tergelip jatyr.
