Donald Tramp TurningPoint’s AmericaFest 2024 sharasynda AQSh prezıdenti qyzmetine resmı kirisken kúnnen bastap «transgenderlik essizdikti» toqtatatynyn málimdedi. Aıtýynsha, AQSh úkimeti tek eki jynysty – erkek pen áıeldi resmı túrde tanıdy, dep habarlaıdy «Adyrna» tilshisi.
«Men balalardyń jynysyn aýystyrýǵa tyıym salatyn jarlyqqa qol qoıamyn. Áskerden, bastaýysh mektepten, orta jáne joǵary oqý oryndarynan transgenderlerdi qýyp shyǵamyn»,—dedi ol.
Sondaı-aq Tramp erkekterdi áıelder sportynan aýlaq ustaýǵa ýáde berdi.
Eske salaıyq, buǵan deıin ol AQSh-ta dúnıege kelgen sheteldik sábıge azamattyq berýdi toqtatýǵa nıetti ekenin jetkizgen edi.
