Astanada kópbalaly otbasylarǵa arnalǵan 15 páter memleketke qaıtaryldy. Bul týraly búgin, 23 jeltoqsanda qalalyq prokýratýranyń baspasóz qyzmeti málimdedi, dep habarlaıdy «Adyrna» tilshisi.
Aıtýynsha, qurylys salýshy kópbalaly januıalarǵa arnalǵan 15 páterdi ýákiletti organnyń balansyna berý boıynsha sharttyq mindettemelerdi 2022 jyldan beri oryndamaǵan.
«Prokýrorlyq qadaǵalaý aktisi boıynsha 10 páter konkýrs ótkizý jáne keıinnen kóp balaly otbasylardy qamtamasyz etý úshin ýákiletti organnyń balansyna berildi, 5 páter tapsyrylý satysynda. Kináli laýazymdy tulǵa tártiptik jaýapkershilikke tartyldy»,—delingen habarlamada.
