Qazaqstannyń syrtqy ister mınıstrligi keıbir qazaqstandyqtardyń saıası turaqsyzdyq jaǵdaıynda nege qalýdy tańdaǵanyn túsindirdi, dep habarlaıdy "Adyrna" ulttyq portaly Jibek Joly arnasyna silteme jasap.
Syrtqy ister mınıstrligi búgin Sırııada elimizdiń 33 azamatynyń qalǵanyn aıtty. Olardyń kóbi Sırııa azamattaryna turmysqa shyǵyp, balalar týǵan qazaqstandyq áıelder.
"Bul respýblıkada revolıýııa bastalǵan kezde bizdiń konsýl olarǵa baılanysqa shyǵyp, Qazaqstanǵa qaıtqysy keletinderin suraǵan. Eline oralǵysy kelgender qazir elimizde. Qalǵandarymen dıplomattar únemi baılanysta", — dep atap ótti SIM.
Buǵan deıin jańa bılik sırııalyqtardy elderine qaıtýǵa shaqyrǵany habarlanǵan bolatyn, alaıda halyqaralyq uıymdar eldegi jaǵdaıdyń áli de óte kúrdeli ekenin eskertken.
Buǵan deıin Sırııanyń damý bolashaǵy kópshilikti, onyń ishinde Sırııada jáne shetelderde júrgen sırııalyq qaýymdastyqtardy da alańdatatyny aıtylǵan bolatyn. Bashar Asadtyń rejıminiń qulaýy men onyń elden qashýynyń saldarynan Damask kóshelerinde jáne búkil álemdegi sırııalyq qaýymdastyqtarda qýanysh sezimi baıqalǵany týraly da habarlanǵan edi.
