Parlament Túrkistanǵa rýhanı jáne tarıhı astana mártebesin berý týraly zań jobasyn qaraýda, dep habarlaıdy "Adyrna" ulttyq portaly.
Túrkistan qalasyna erekshe mártebe berý týraly zań jobasy Qazaqstan Prezıdentiniń tapsyrmasy boıynsha ázirlengen. Bul qujat Túrkistandy rýhanı jáne tarıhı astana retinde tanýǵa baǵyttalǵan.
Vıe-premer – Ulttyq ekonomıka mınıstri Nurlan Baıbazarovtyń bul zań jobasyn ázirleýdiń negizgi sebepteri retinde Túrkistan qalasynyń Túrki memleketteri uıymy tarapynan túrki áleminiń rýhanı astanasy retinde tanylýyn jáne qalanyń tarıhı kelbetin jáne onyń aýmaǵyndaǵy tarıhı-mádenı mura obektilerin saqtaý qajettiligin aıtty.
Joba ázirleý barysynda Anglııa, Italııa, Ózbekstan jáne Ázerbaıjan sııaqty elderdiń tarıhı eskertkishterdi saqtaý tájirıbesi zertteldi. Sonymen qatar, Túrkistan turǵyndarymen kezdesýler ótkizilip, olardyń usynystary zań jobasynda eskerildi.
Zań jobasy 4 taraý jáne 15 baptan turady.
Zań jobasy aıasynda jer, sáýlet, tarıhı-mádenı muralardy qorǵaý, týrıstik qyzmet týraly zańdarǵa ózgerister men tolyqtyrýlar engizý kózdelgen. Qabyldanǵan jaǵdaıda joba teris áleýmettik-ekonomıkalyq nemese quqyqtyq saldarǵa ákelmeıdi dep málimdedi Nurlan Baıbazarov.
