Qazaqstandyq shyǵystanýshy ǵalym Ǵalııa Qambarbekova Irandaǵy halyqaralyq Farabı syılyǵyn ıelendi, dep habarlaıdy "Adyrna" ulttyq portaly.
Bul týraly Irannyń Qazaqstandaǵy mádenı ortalyǵy habarlama taratqan.
Marapatty 17 jeltoqsanda Tegeranda Iran Islam respýblıkasynyń prezıdenti Masýd Pezeshkıan saltanatty túrde tabystady.
Aıta keterligi, álemniń jetekshi ǵalymdary arasynan bul syılyq tek Túrkııa, Amerıka jáne Qazaqstan elderiniń ókilderine buıyrdy.
Irannyń ǵylym, zertteý jáne tehnologııalar mınıstrligi jyl saıyn Islam gýmanıtarlyq ǵylymdarynyń damýyna baǵyttalǵan Farabı halyqaralyq baıqaýyn ótkizedi.
Syılyqtyń maqsaty teorııalyq jáne qoldanbaly salalarda naqtylanǵan, gýmanıtarlyq ǵylymdar salasynda jumys isteıtin ǵylymı-zertteý jáne bilim berý uıymdarynyń qoldaýyn alýǵa múmkindik berý.
Irannyń eki halyqaralyq syılyǵy bar. Birinshisi - gýmanıtarlyq ǵylymdar salasyndaǵy Farabı halyqaralyq syılyǵy. Ekinshisi - gýmanıtarlyq emes ǵylymdar salasyndaǵy Horezmı halyqaralyq syılyǵy.
Bıyl qazaqstandyq eki ǵalym osy bedeldi syılyqqa kandıdat atanǵan edi.
