Almatyda jergilikti bıýdjet kiristeriniń ósýi aǵymdaǵy jyldyń 11 aıynda 1,7 trln teńgeden astam ( ósim 21,2% ) qurady. Bul týraly Ortalyq kommýnıkaııalar qyzmetinde ótken brıfıng barysynda Almaty ákimi Erbolat Dosaev málimdedi.
«Jeltoqsan aıynyń basynda máslıhatqa Almatynyń 2025-2027 jyldarǵa arnalǵan bıýdjeti engizildi. Elimizdiń tarıhynda alǵash ret 2025 jylǵa arnalǵan qalalyq bıýdjet 2,2 trln teńgeden asty. Bul 2022 jyldyń basymen salystyrǵanda 2 ese joǵary», - dep atap ótti Erbolat Dosaev.
Onyń aıtýynsha, 2023 jyldyń basynan beri Almaty qalasynyń ákimdigi iri ınfraqurylymdyq jobalardy iske asyrý úshin jobalyq qujattardy daıyndaý boıynsha úlken jumys júrgizdi. Nátıjesinde, 2025 jyly damý bıýdjeti 2022 jylǵa qaraı 2,2 esege ósip, 458 mlrd teńgege jetti.
«Memleket basshysy aǵymdaǵy jyldyń qarasha aıynda azamattardyń ál-aýqatyn údemeli arttyrýdyń basym mindetin nazarda ustaý qajettigin atap ótti. Qala bıýdjeti óziniń áleýmettik baǵdarlanýyn saqtaıdy, oǵan 2025 jyly 40% – dan astam nemese 894,3 mlrd teńge, 2022 jylǵa qaraı 1,8 ese, úlesi - 40,2%», - dep tolyqtyrdy Almaty ákimi.
Eske salsaq, aǵymdaǵy jyldyń 6 jeltoqsanynda Almatynyń 2025-2027 jyldarǵa arnalǵan bıýdjeti bekitilgen qalalyq máslıhattyń kezekten tys otyrysy ótti.
