25 qazan – Respýblıka kúni qarsańynda Túrkistan oblystyq “Jastar resýrstyq ortalyǵy” KMM-niń uıymdastyrýymen JOO stýdentteri arasynda 26 - 27 qazan aralyǵynda “Pikirsaıys — kóshbasshylar alańy” atty Túrkistan oblysy ákiminiń kýbogine arnalǵan respýblıkalyq pikirsaıys týrnıri ótti.
Pikirsaıys týrnıriniń maqsaty: jastardyń oratorlyq qabiletin, sóz sheberligin, belgili bir faktilerdi zertteýge, óz kózqarasyn júıeli túrde dáleldeýge jáne baǵytyn durys usynýǵa úıretý, elimizdegi ulttyq mereke respýblıka kúnin joǵary deńgeıde atap ótý. Jastar arasynda atalmysh merekeniń máni men mańyzyn uǵyndyrý, Otanǵa, týǵan jerge degen jastardyń súıispenshiligin arttyrý.
🔹Respýblıkalyq pikirsaıys týrnırin Túrkistan oblystyq “Jastar resýrstyq ortalyǵy” KMM-niń basshy orynbasary Eskýlov Perdebek Serjanuly ashyp, týrnırge kelgen jastardy elimizdegi úlken mánge ıe ulttyq mereke - Respýblıka kúnimen quttyqtap, saıysqa qatysýshy pikirsaıysshylarǵa (frakııalarǵa) sáttilik tiledi.
Týrnır nátıjesi tómendegideı:
Bas júlde - “Kenesary”. frakııasy
Ábilqan Meıirbek, Smaǵul Araılym (Túrkistan oblysy) 400.000 teńge
1 oryn – “Aıshýaq han” frakııasy. Abdınasıruly Beksultan, Muratuly Asyljan (Almaty oblysy) 300.000 teńge
2 oryn – “Jáńgir han” frakııasy. Abdýlla Janbolat, Qaldıbaev Raýan (Shymkent qalasy) 200.000 teńge
3 oryn – “Esim han” frakııasy. Eraly Shuǵyla, Abdıhan Aqbota (Shymkent qalasy) 100.000 teńge
“Eń úzdik tóreshi” - Qanjigit Saǵı
“Úzdik tóreshi”- Tóreqanov Jaıdarbek
“Eń úzdik spıker” - Smaǵul Araılym (50.000 teńge)
“Úzdik spıker” - Abdýrashıdova Mehrınıso
Respýblıkamyzdyń ár óńirinen jınalǵan belsendi jastardyń basy qosylǵan, joǵary deńgeıde ótkizilgen respýblıkalyq týrnır jeńimpazdaryna alǵys hattar, qarjylaı syılyqtar men kýbok tabystaldy.
Túrkistan óńirinde ekinshi jyl qatarynan ótkizilip otyrǵan týrnırge respýblıkamyzdyń ár óńirinen kelgen pikirsaıysshylar baq synady. Barlyq pikirsaıysshylar birinshi kúni irikteý kezeńderine berilgen taqyryptardy talqylap, týrnırdiń ekinshi kúni fınaldyq kezeńge joldama alý úshin ózara myqtyny anyqtady. Eki kúnge sozylǵan APF jáne LD formattarynda ótken týrnırge Almaty, Túrkistan oblystary men Shymkent qalasynyń pikirsaıysshylary, jalpy 28 frakııa qatysty.
Respýblıkalyq týrnırge qatysqan pikirsaıysshylar birinshi kúni irikteý kezeńderine berilgen taqyryptar tóńireginde óz ıdeıalaryn qorǵap, 1/8, 1/4, 1/2 jáne fınaldyq kezeńge joldama alý úshin ózara myqtyny anyqtady. Irikteý kezeńinen ótip, fınaldyq kezeńge joldama alǵan frakııalar ózderiniń utymdy oılarymen erekshe áser syılady.
