Astana qalasynda memlekettik kirister departamentiniń qyzmetkerine qatysty sot úkimi shyqty, dep habarlaıdy "Adyrna" ulttyq portaly.
Qalalyq sottyń sheshimi boıynsha, janama salyqtardy ákimshilendirý basqarmasy bóliminiń basshysy R. Tólegenov para alǵany úshin kináli dep tanylyp, 3 jyl 6 aıǵa bas bostandyǵynan aıyryldy. Sonymen qatar, oǵan memlekettik qyzmette belgili bir laýazymdardy atqarýǵa ómir boıy tyıym salyndy.
Sot anyqtaǵandaı, Tólegenov jeke kompanııa dırektorynan qosymsha qun salyǵynyń (QQS) artyq tólengen somasyn qaıtarý úshin 3,6 mıllıon teńge kóleminde para alǵan. Bul soma qaıtarylýǵa tıisti 36 mıllıon teńgeniń 10 paıyzyn quraǵan. Tergeý barysynda antıkor qyzmetkerleri onyń úıin tintý kezinde 129 mıllıon teńge kóleminde qolma-qol aqshany tárkilegen.
Tólegenovtiń advokattary sotqa shaǵym túsirip, jazany jeńildetip, aıyppulmen almastyrýdy suraǵan. Alaıda apellıaııalyq sot birinshi ınstanııanyń úkimin ózgerissiz qaldyrdy. Sot qyzmetkerdiń jasaǵan áreketi salyq organdarynyń bedeline nuqsan keltirip, memlekettik qyzmetke degen senimdi álsiretkenin atap ótti.
Bul is memlekettiń sybaılas jemqorlyqqa qarsy kúrestegi qatań ustanymyn taǵy da kórsetti jáne memlekettik qyzmetkerlerge jaýapkershilik júkteletinin eskertti.
