2024 jyldyń toǵyz aıynda Qytaıdan Qazaqstanǵa turaqty turýǵa 1451 adam, al Mońǵolııadan 1088 adam qonys aýdarǵan, dep habarlaıdy «Adyrna» ulttyq portaly.
Bul kórsetkish 2023 jyldyń sáıkes kezeńimen salystyrǵanda Qytaı boıynsha 177%-ǵa, al Mońǵolııa boıynsha 172%-ǵa ósken.
Sondaı-aq, Qytaıdan kelgen mıgranttardyń sany 2017 jyldan bergi eń joǵary kórsetkish bolsa, Mońǵolııadan kelgender sany 2011 jyldan bergi eń úlken kórsetkish bolyp otyr.
Qonys aýdarǵandardyń basym kópshiligi – etnıkalyq qazaqtar. Qytaıdan kelgenderdiń 98%-y, al Mońǵolııadan kelgenderdiń 99%-y qazaq ultynyń ókilderi.
Qytaıdan kelgenderdiń shamamen ár besinshisi Almaty oblysynda turýdy tańdasa, jartysy Astana men Almaty qalalaryna qonystanǵan. Mońǵolııadan kelgender arasynda eń tanymal óńir – Aqmola oblysy (33%). Sonymen qatar, olardyń úshten birine jýyǵy elorda men Almatyny tańdaǵan.
