Patrıottyq rýh – qoǵamnyń birligin nyǵaıtyp, eldiń damýyna úles qosýǵa yntalandyratyn mańyzdy faktor. Sondyqtan bul sezimdi damytýda bilim berý, mádenıet, jáne ulttyq birlik mańyzdy ról atqarady. El birligi, táýelsizdigi jáne bolashaǵy úshin patrıottyq sezimderdi damytý – qoǵamnyń turaqtylyǵy men tabysynyń basty kepili.
Eń aldymen, patrıotızm týraly túsinikke tolyǵyraq anyqtama bereıik. Patrıotızm – bul adamnyń óz Otanyna degen mahabbaty, ony qorǵaýǵa, damytýǵa jáne qurmetteýge degen shynaıy sezimi. Patrıotızm jeke adamnyń memleketpen, qoǵammen, týǵan jerimen jáne ulttyq qundylyqtarmen tyǵyz baılanysyn kórsetedi. Bul túsinik tarıhı, mádenı jáne rýhanı turǵyda qalyptasqan jáne ol azamattyń óziniń eline degen boryshyn, jaýapkershiligin jáne adaldyǵyn bildiredi…
Al endeshe patrıottyq sezimdi oıatýǵa arnalǵan ádisterdi tizbekteıtin bolsaq:
Birinshi orynda túbi tereń tarıhymyzdy bilý. Tarıhty zerttep bilý arqyly adamdardyń óz eliniń ótkenine degen qurmeti men maqtanyshyn arttyrýǵa bolady. Tarıhı oqıǵalar men jeńister týraly aqparattar, uly tulǵalar sonyń ishinde Abaı Qunanbaıuly, Maǵjan Jumabaev, Muhtar Áýezov, Ahmet Baıtursynuly, Álıhan Bókeıhan taǵy basqada zııaly qaýymnyń shyǵarmalary patrıottyq sezimdi odan ármen kúsheıtedi.
Sondaı-aq ulttyq merekelerdi, mádenı festıvalderdi, óner kórmelerin uıymdastyrý arqyly halyqtyń óz mádenıetine jáne dástúrlerine degen súıispenshiligin oıatýǵa bolady. Mysaly, ulttyq ánder, bıler, salt-dástúrlerdiń saqtalýy halyqtyń birligi men maqtanyshyn arttyrady.
Ulttyq sımvoldardy qurmetteý. Týdy, eltańbany jáne ánurandy nasıhattaý: Ulttyq rámizderdi qasterleý patrıotızmniń mańyzdy bóligi. Jastardy mektep qabyrǵasynan bastap ulttyq rámizderge degen qurmetke úıretý arqyly olardyń memleketke degen súıispenshiligi arta túsedi. Memlekettik merekelerdi toılaý. Táýelsizdik kúni, Konstıtýııa kúni, Memlekettik rámizder kúni, sonymen qatar jaqyndap kelip qalǵan Respýlıka kúni (25 qazan) sekildi memlekettik merekelerdi halyq arasynda keńinen atap ótý ulttyq birlikti kúsheıtedi. Jastardy patrıottyqqa tárbıeleý. Mektepterde, ýnıversıtetterde patrıottyq tárbıe berý mańyzdy. Oqýshylarǵa memlekettiń tarıhy, mádenıeti, geografııasy jáne jetistikteri týraly aqparat berý olardyń elge degen súıispenshiligin arttyrady. Jastardy qoǵamdaǵy máselelerdi sheshýge belsendi qatysýǵa shaqyrý arqyly rýhyn kóteremiz.
Sporttaǵy jarqyn jeńister arqyly Ulttyq sportshylardy qoldaý. Sportshylardyń halyqaralyq arenalardaǵy jeńisteri halyqty rýhtandyrady jáne patrıottyq sezimdi oıatady. Halyqaralyq sporttyq jarystarda Qazaqstannyń sportshylarynyń jeńisteri patrıotızmniń aıqyn kórinisi bolyp tabylady. Jappaı sportty damytý: Sporttyq is-sharalarǵa qatysý arqyly jastardy patrıotızmge tárbıeleý múmkindigi bar.
Memlekettik qyzmet jáne áskerı mindet. Ásker qataryna shaqyrtý jáne ony mártebeli mindet retinde qabyldaý jastardyń el aldyndaǵy jaýapkershiligin arttyrady. Bul patrıotızmniń kúshti kórinisi bolyp tabylady.Memlekettik qyzmetke qushtarlyqty tárbıeleý: Memlekettik qyzmetke degen qyzyǵýshylyqty arttyrý jáne halyqqa qyzmet etýge umtylý arqyly patrıottyq sezimdi kúsheıtýge bolady.
Ulttyq qundylyqtardy dáripteý Ulttyq til men dástúrdi saqtaı otyra biz elge degen óz qurmetimizdi kórsetemiz. Tildi saqtaý arqyly ulttyq biregeılik pen patrıotızmdi qoldaý júzege asady. Ulttyq qundylyqtardy nasıhattaý: Halyqtyń rýhanı jáne moraldyq qundylyqtaryn nasıhattap, urpaqtan-urpaqqa jetkizý patrıotızmdi nyǵaıtýda mańyzdy.
Qoǵamdyq aqparat quraldary arqyly patrıotızmdi oıatý. Teledıdar, radıo, ınternet arqyly patrıottyq baǵdarlamalar, derekti fılmder men tarıhı dramalardy kórsetý halyq arasynda patrıottyq sezimderdi oıatady. Áleýmettik medıa platformalarda eldiń jetistikteri men patrıottyq qundylyqtardy nasıhattaý, ultqa degen súıispenshilikti arttyrýda tıimdi qural bolýy múmkin.
Patrıottyq sezimdi damytý — bul uzaq merzimdi jumys, biraq durys jumys sharalar arqyly ár azamattyń óz eline degen maqtanyshyn oıatyp, elge qyzmet etýge yntalandyrýǵa bolady.
Muratqyzy Aıgúl
