Búgin oblys ákimi Nurlybek Nálibaevtyń qatysýymen «Ustazym-ulaǵatym!» atty Muǵalimder kúnine arnalǵan saltanatty shara ótti. Jıynǵa sala basshylary, oblys pedagogteri, zııaly qaýym ókilderi men ardagerler qatysty.
Aımaq basshysy ustazdardy merekemen quttyqtap, bilim salasyndaǵy jetistikterge toqtaldy.
"Memleket basshysy Qasym-Jomart Kemeluly halyqqa Joldaýynda: «Ustazdar – ulttyń zııatkerlik qýaty. Olar bilimdi urpaq tárbıeleý arqyly elimizdiń órkendeýine jol ashady», - dep atap ótti.
Shákirtterine zamanaýı bilim men ónegeli tárbıe berip, ulttyq qundylyqtar men adamgershilik izgi qasıetterdi boıyna darytatyn ustazǵa degen halqymyzdyń qurmeti qashan da erekshe.
Bilim, ǵylym, mádenıet jáne óner salasynyń damýy – órkenıettiń ólshemi, qoǵam damýynyń basty kórsetkishi.
Bıyl bilim salasynyń jalpy bıýdjeti 262,1 mlrd teńgege jetip, ótken jylmen salystyrǵanda 8,8 % artty.
Jyl basynan beri 10 bilim berý nysany paıdalanýǵa berildi. Memleket basshysynyń bastamasymen qolǵa alynǵan «Jaıly mektep» ulttyq jobasy aıasynda aımaǵymyzda 12 300 orynǵa arnalǵan 21 mektep qurylysy josparlanyp, bıyl 10-y salynýda. Ustazdar merekesi qarsańynda respýblıkamyzdaǵy alǵashqy 900 oryndyq jaıly mektep Qyzylorda qalasynyń sol jaǵalaýynan paıdalanýǵa berilgenine ózderińiz kýá boldyńyzdar.
Ádiletti, jańa, jasampaz Qazaqstannyń bolashaǵy sizderdiń qoldaryńyzda, qadirli ustazdar!
Shákirtterińizben birge shyǵarmashylyq jetistikterge jete berińizder!" , - dedi N.Nálibaev.
Saltanatty sharada bilim salasynda qajyrly eńbek etip, jetistikterge jetken birqatar ustazdar Oqý-aǵartý mınıstrliginiń Y. Altynsarın, «Bilim berý isiniń qurmetti qyzmetkeri» tósbelgilerimen, Qurmet gramotasymen, mınıstrliktiń jáne Qyzylorda oblysy ákiminiń «Alǵysymen» marapattaldy.
Jaqynda balalardyń bos ýaqytyn tıimdi uıymdastyrý, jan-jaqty damytý maqsatynda «QazGerMunaı» kompanııasynyń demeýshiligimen salynǵan 350 oryndyq zamanaýı Oqýshylar saraıy el ıgiligine tabystaldy. Onda sońǵy úlgidegi materıaldyq-tehnıkalyq bazamen jabdyqtalǵan kabınetter qarastyrylǵan.
Sport,qolóner jáne qoldanbaly óner, mýzyka-horeografııa, tehnıkalyq- shyǵarmashylyq,áleýmettik ǵylymdar negizinde 50-ge jýyq úıirme óz jumysyn bastady.
Óskeleń urpaqtyń salaýatty ómir saltyn ustanýyna, bos ýaqytyn tıimdi ótkizýine arnalǵan zamanaýı úlgidegi ústel tennısi ortalyǵy qoldanysqa berildi. Jańa sport kesheninde 16 ústel tennısi, 350 oryndyq kórermender jáne jattyǵý zaly bar.
Jyl sońyna deıin «Jaıly mektep» ulttyq jobasy aıasynda 5 mektep, «Bilim berý ınfraqurylymyn qoldaý» qory arqyly fızıka-matematıka mektep-ınternaty, jeke ınvestorlar esebinen Aral aýdany, Aqshataý aýylynda 60 oryndyq, Toqabaı aýylynda 100 oryndyq mektepter, 2 mektep janynan qosymsha ǵımarat, Jańaqorǵan aýdanynda 1 qosymsha bilim berý uıymy paıdalanýǵa berilmek.
Sol jaǵalaýda «Saýts Oıl» kompanııasynyń demeýshiligimen mýzykalyq kolledj ǵımaratynyń qurylysy qarqyndy júrýde.
Balalar men jasóspirimderdiń shyǵarmashylyǵyn shyńdaý maqsatynda bıyl oblys ortalyǵynan Innovaııalyq- shyǵarmashylyq akademııasynyń qurylysy bastaldy.
Álemdik qaýymdastyqtan oıyp oryn alamyz desek, jastarymyz bilimdi, ozyq oıly, ıntellektýaldy bolýy kerek.
Memleket basshysynyń basty talaby – zamanaýı bilim berý oshaqtaryn kóbeıtý, muǵalim men oqýshyǵa barynsha jaǵdaı jasaý.
Bul rette, jańa qurylys nysandarynan bólek, tozyǵy jetken mektepterdi de jańartý jumystary qarqyndy júrýde.
Bıyldyń ózinde 3,1 mlrd teńgege 8 mektep kúrdeli jóndeýden ótip, «Bilim berý ınfraqurylymyn qoldaý» qory arqyly Shıeli, Jańaqorǵan aýdandaryndaǵy 2 mektepke 375 oryndyq qosymsha qurylys, jergilikti bıýdjet esebinen Qyzylorda qalasyndaǵy №4 mektepke 300 oryndyq oqý korpýsy men 100 oryndyq ashana, Qarmaqshy aýdanynda №284 mektep-ınternatyna sport zaly, Jańaqorǵan aýdanynda №255 mektepke sport zaly men 20 oryndyq ashana salyndy.
Balalardyń qaýipsizdigi de basty nazarda. Oblys aýmaǵyndaǵy mektepterdiń barlyǵy 100% beınebaqylaý kamerasymen qamtylǵan.
