Ulttyq qaýipsizdik komıteti Qazaqstannyń úsh iri qalasynda jáne alty óńirde uıymdasqan qylmystyq topqa qarsy aýqymdy operaııa ótkizdi. Onyń nátıjesinde 50 adam ustaldy, dep habarlaıdy «Adyrna» tilshisi.
«18 qyrkúıekte UQK, IIM jáne BP vedomstvoaralyq jedel-tergeý toby Astana, Almaty jáne Shymkent qalalarynda, sondaı-aq Aqtóbe, Atyraý, Almaty, Jetisý, Batys Qazaqstan jáne Pavlodar oblystarynda turaqty uıymdasqan qylmystyq toptyń múshelerin ustaýǵa arnalǵan operaııa júrgizdi. Barlyǵy 50 adam ustalyp, ishki ister organdaryna jetkizildi. Tergeý amaldary júrgizilýde»,–delingen habarlamada.
Olar taýarlar men avtokólikterdi asa iri kólemde urlaý arnasyn uıymdastyrdy, sondaı-aq uıymdasqan qylmysty qarjylandyrdy dep kúdiktelip otyr. Sondaı-aq 20-dan astam adamnyń senimine kirip, 2 mıllıard teńgeden asa múlikti tonaǵan.
Toptyń naqty ıerarhııasy men qatysýshylarynyń rólderiniń bólinýi bolǵan, olar qylmys pen destrýktıvti dinı ortanyń ókilderinen, sonyń ishinde túzeý mekemesinde jazasyn óteýshilerden quralǵan.
«Tintýler barysynda bank kartalary, iri aqsha qarajaty, ekstremıstik ádebıetter, aqsha aýdarymdary jazylǵan jazbalar jáne tergeý úshin qyzyǵýshylyq týdyratyn ózge de zattar tabyldy»,—dep tolyqtyrdy Ulttyq qaýipsizdik komıteti.
